संवाद प्रतिविम्ब
खरसाङ 13 नोभेम्बर ।
अल ईण्डिया फुटबल फेडेरेशनको उप सभापति एंव ईण्डियन एसेसिएशनको चेयरम्यान सुब्रत दत्तलाई खरसाङमा सम्वर्ध्दना जनाइएको छ।
खरसाङको टुरिस्ट लजमा खरसाङ फुटबल एसोसिएशनको तर्फबाट उनलाई सम्वर्ध्दना जनाइएको जानकारी प्राप्त भएको छ। सुब्रत दत्तले ईण्डियन फुटबलमा दिएको योगदानको लागि खरसाङ फुटबल एसोसिएशनले सम्मान जनाएको छ।
यसै अवसरमा खरसाङ क्षेत्रमा फुटबल खेल मैदानको अावश्यकता रहेको विषयमा पनि उनीसित चर्चा परिचर्चा गरिएको जानकारी प्राप्त भएको छ। उनले आईएफएको अधीनमा रहेर खरसाङमा जिल्ला स्तरीय महिला फुटसल टुर्नामेन्ट आयोजना गर्ने सुझाव दिएको र उक्त कुरालाई खरसाङ फुटबल एसोसिएशनले सहमति जनाएको जानकारी प्राप्त भएको छ।
फेसबुक मार्फत टिप्पणीहरू गर्नुहोस्
