संवाद प्रतिविम्ब
खरसाङ 30 अक्टोबर ।
नेपाली क्रिश्चियन मिडियाकर्मीहरुको संस्था सञ्चारका मित्रहरूका एक सभा सिलगढीको बाबुबासास्थित हिमाली शालोम चर्चमा सम्पन्न भयो। उक्त सभा अन्तर्राष्ट्रीय नेपाली क्रिश्चियन मिडिया सञ्चालको संयोजक पास्टर रमेश लामाको अध्यक्षता अनि सञ्चारका मित्रहरूको सचिव निमा लेप्चाको सञ्चालनमा सम्पन्न भयो। सभामा शुरुको प्रार्थना एल्डर राजु राईले गरेका थिए।
सभामा चर्चा परिचर्चापछि सञ्चारका मित्रहरूका रिक्त रहेको सभापति र कोषाध्यक्षको पदमा नयाँ पदाधिकारीहरू मनोनित गरिएको छ। उक्त रिक्त पदमा मनोनित गरिने क्रममा सभापतिको रुपमा एल्डर राजु राई, कोषाध्यक्षको रुपमा मोजेस सन्यासीलाई मनोनित गरिएको छ भने उप सभापतिको रुपमा पास्टर बिजय सुब्बाको नामलाई प्रस्ताव राखिएको छ। आजको सभाको निर्णय अनुसार अब आगामी सभा 27 नोभेम्बर 2021 शनिबारको दिन हुने भएको छ। आजको सभाको निर्णय अनुसार आगामी सभामा सञ्चारका मित्रहरुको दर्शन, मिशन र उद्देश्य विषयमा प्रोजेक्ट तयार पारेर देखाउने भएको छ।
आजको सभामा संयोजक पास्टर रमेश लामाले अन्तर्राष्ट्रीय नेपाली क्रिश्चियन मिडिया सञ्जालको आयोजनामा आगामी 11,12 र 13 नोभेम्बरको दिन अनलाइन नेपाली गजल लेखनमाथि कार्यशाला गरिने विषयमा जानकारी गराए। उनले बताए अनुसार उक्त कार्यशालामा सहभागी जनाएर नेपाली गजल लेखन प्रतियेगितामा पनि सहभागिता जनाउन सकिने बताए। उनले बताए अनुसार नेपाली गजल लेखन प्रतियोगितामा प्रथम हुनेले नेपाली रुपियाँ 50 हजार, दोस्रो हुनेलाई 30 हजार,,तेस्रो हुनेलाई 20 हजार अनि दुईजनालाई 10 हजार गरेर प्रदान गरिने जानकारी गराएका छन्। उक्त प्रतियोगितामा यता भारतको तर्फबाट पनि सहभागी हुन सक्ने बताएका छन्।
